Parłamient Hrecyi prahałasavaŭ u sieradu za kandydaturu Kaciaryni Sakiełaropułu na pasadu prezidenta krainy. Pra heta śviedčyć padlik padadzienych za jaje hałasoŭ, piša TASS.
Jana była abranaja ŭžo ŭ pieršym tury. Jaje kandydaturu padtrymali 261 parłamientaryj z 294 prysutnych (patrabavałasia 200 hałasoŭ).
Da apošniaha času Sakiełaropułu była staršynioj Dziaržaŭnaha savieta — Viarchoŭnaha administracyjnaha suda.
Dziakujučy hałasam, padadzienych za jaje deputatami kirujučaj pravacentrysckaj partyjaj «Novaja demakratyja», hałoŭnaj apazicyjnaj partyi Kaalicyja radykalnych levych sił SIRYZA i levaha «Ruchu pieramienaŭ», Sakiełaropułu stała pieršaj žančynaj na najvyšejšaj dziaržaŭnaj pasadzie ŭ historyi krainy.
Upieršyniu prezident u Hrecyi byŭ abrany ŭ 1828 hodzie (h.zn. u XIX stahodździ).
Kandydaturu 63-hadovaj Sakiełaropułu prapanavaŭ premjer-ministr Hrecyi Kiryjakas Micatakis, choć jana i nie naležyć da pravacentrysckaj palityčnaj hrupoŭki. Pa słovach premjera, «Sakiełaropułu — vydatny juryst pa mižnarodnych spravach, sudovy rabotnik ź bliskučaj karjeraj ŭ Viarchoŭnym sudzie, dzie stała pieršym staršynioj-žančynaj, pryčym pavodle prapanovy papiaredniaha premjer-ministra [Aleksisa Cyprasa]».
-
Iranskija dziaržaŭnyja ŚMI ŭpieršyniu pakazali razburanuju rezidencyju Chamieniei paśla ŭdaru ZŠA i Izraila
-
U Polščy rasijaninu, jaki vydavaŭ siabie za apazicyjaniera, dali siem hadoŭ kałonii za pracu na FSB. Jaho žonka taksama atrymała termin
-
U ES zaćvierdzili novyja pravy avijapasažyraŭ. Šmat čaho vy daŭno čakali
Kamientary