У Вілейцы жанчына скрала штаны за 64 рублі: яе пасадзілі на 15 сутак
У вілейскім універсаме «Вілія» у аддзеле адзення скралі адну з рэчаў. Пра здарэнні паведамляе УУС Мінскага аблвыканкама.
Прадавец звярнула ўвагу на падазроную жанчыну, але падысці да яе не магла, бо неабходна было разлічваць іншых пакупнікоў. Пазней яе падазрэнні пацвердзіліся — пры праглядзе запісу з камеры відэаназірання было бачна, што жаншчына скрала мужчынскія штаны коштам каля 64 рублёў.
Падазраваную затрымалі хутка. Жыхарка Вілейкі раней неаднаразова трапляла ў поле зроку праваахоўнікаў, прычым менавіта за дробныя крадзяжы. Штаны жанчына паспела прадаць за 20 рублёў.
Паводле яе словаў, ёй было не важна, што сцягнуць — выкрадзенае яна звычайна прадавала.
Зараз жанчына адбывае 15 сутак арышту.
Каментары