У канцы мінулага тыдня ў Баранавічах сталі распаўсюджвацца чуткі пра смерць маленькага хлопчыка. Нібыта дзіця памерла ў бальніцы ад інфекцыі, якую занеслі пры наведванні адной з баранавіцкіх стаматалогій. Што насамрэч здарылася, Intex-press пракаментаваў Следчы камітэт.
Баранавіцкая дзіцячая гарадская бальніца. Фота: Intex-press.
Па чутках, пасля наведвання зубнога лекара ў хлопчыка некалькі дзён балеў зуб, а потым павысілася тэмпература. Дзіця даставілі ў бальніцу, дзе праз некалькі дзён яно памерла. Прычыны смерці выказваліся розныя, хтосьці нават сцвярджаў, што хлопчык памёр ад менінгіту.
У Следчым камітэце пацвердзілі факт смерці 4-гадовага дзіцяці ў Баранавічах. Як распавяла Intex-press Юлія Ганчарова, афіцыйны прадстаўнік Следчага камітэта, 20 студзеня хлопчык з вострым зубным болем быў шпіталізаваны ў бальніцу, дзе памёр 24 студзеня. Зараз прызначана судова-медыцынская экспертыза для вызначэння дакладнай прычыны смерці дзіцяці. Папярэдне «смерць хлопчыка не мае прыкмет крымінальнага характару і не звязаная з віруснымі захворваннямі».
Праводзіцца праверка.
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?47
Каментары