У Івацэвічах наведвальнік арэны збіў работніка спартыўнай школы, той у шпіталі з цяжкімі траўмамі
Следчыя высвятляюць абставіны прычынення цяжкіх цялесных пашкоджанняў работніку ДЮСШ.
26 студзеня прыкладна ў 18.20 34-гадовы жыхар Івацэвічаў прыйшоў разам са сваім сынам у мясцовую ДЮСШ, каб пакатацца на каньках. У гэты час лёд быў пачышчаны і застываў, святло на лядовай пляцоўцы было выключана, і наведвальнікаў не было.
Убачыўшы бацьку і сына на непрацуючай лядовай пляцоўцы, 50-гадовы рабочы ДЮСШ дагнаў іх, каб паведаміць аб немагчымасці выхаду на лёд, пасля чаго паміж мужчынамі адбыўся канфлікт. Наведвальнік збіў рабочага, прычыніўшы цяжкія цялесныя пашкоджанні.
Завялі крымінальную справу.
Каментары