БелАЭС застаецца галоўнай праблемнай кропкай у двухбаковых адносінах Беларусі і Літвы. Але беларускі бок, як ніхто, зацікаўлены ў максімальнай бяспецы атамнай станцыі. Пра гэта на сумесным брыфінгу з кіраўніком МЗС Літвы заявіў Уладзімір Макей, піша Tut.by.
Лінас Лінкявічус адзначыў, што Літва па-ранейшаму настойвае на тым, каб Беларусь прыняла план дзеянняў па выкананні ключавых рэкамендацый міжнародных арганізацый у галіне бяспекі АЭС.
— Ёсць і рознагалоссі, болькі ў нашых двухбаковых адносінах. Самая вялікая — гэта АЭС. Ацэнкі яе розныя з нашых бакоў. Факт тое, што ўжо стаіць рэактар, засталося завезці паліва. Мы ўсё ж такі настойваем на тым — думаю, што гэта ў інтарэсах і Беларусі, паколькі ад гэтага залежыць бяспека аб'екта і грамадзян, — каб вылучыць асноўныя, ключавыя рэкамендацыі міжнародных арганізацый у галіне бяспекі АЭС, дапамагчы гэта могуць зрабіць прадстаўнікі ENSREG (Еўрапейская група рэгулятараў ядзернай бяспекі) і прыняць план дзеянняў па іх выкананні. Гэта было б вельмі станоўчае развіццё справы, нягледзячы на ўсе рознагалоссі, — заявіў Лінас Лінкявічус.
Дэлегацыя ENSREG ў Беларусь прыедзе ў сакавіку. І беларускі бок, па словах Макея, гатовы абмяркоўваць усе рэкамендацыі, якія дасць рэгулятар.
— Ніхто так не зацікаўлены ў бяспецы гэтай станцыі, як Беларусь. Таму ўсе рэкамендацыі, якія будуць выказаныя нашым партнёрам [Літвой] будуць абмеркаваныя, а падчас візіту еўрапейскага рэгулятара гэтыя рэкамендацыі будуць абмеркаваныя з адпаведнымі экспертамі, — адзначыў Макей.
Кіраўнік МЗС не змог сказаць, калі адбудзецца пуск першага энергаблока АЭС, які прыйшлося перанесці «з-за розных прычын».
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай4
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары