ЦРУ і нямецкая разведка мелі доступ да сакрэтнай інфармацыі больш за 100 краін
Цэнтральнае разведвальнае ўпраўленне ЗША было тайным уладальнікам кампаніі, якая рабіла шыфравальныя прылады і лініі сувязі для разведвальных агенцтваў па ўсім свеце. І ў супрацоўніцтве з нямецкай разведкай сачыла, як замежныя ўрады, у тым ліку сяброўскія, міжволі раскрывалі свае сакрэты.
Адкрыццё, апісанае ў дакладзе ЦРУ як «разведвальны пераварот стагоддзя», было ўпершыню прадстаўлена ў сумесным расследаванні газеты Washington Post і нямецкага вяшчальніка ZDF.
Кампанія Crypto AG была дамінуючым вытворцам шыфравальных прылад з часоў Другой сусветнай вайны да пачатку XXI стагоддзя.
Існавала таксама сакрэтнае сумеснае партнёрства паміж ЦРУ і заходнегерманскай разведкай, якое было вядома пад кодавымі назвамі «Тэзаўрус» і «Рубікон».
«Замежныя ўрады плацілі добрыя грошы ЗША і Заходняй Германіі за магчымасць чытання іх самых сакрэтных паведамленняў па меншай меры дзвюма замежнымі краінамі» — гаворыцца ў дакладзе ЦРУ.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары