«Пакуль усе вынікі адмоўныя». Мінздароўя праверыла атачэнне іранскага студэнта
Студэнт БНТУ з Ірана, у якога выявілі каранавірус, а таксама тыя, хто кантактаваў з ім і цяпер знаходзіцца ў інфекцыйнай бальніцы, адчуваюць сябе здавальняюча, распавяла tut.by прэс-сакратар Міністэрства аховы здароўя Юлія Барадун.
Прадстаўнік Мінздароўя адзначыла, што кантакты першага ўзроўню на сённяшні дзень не пацвярджаюць вірус, праводзяцца яшчэ даследаванні.
— Цяпер ідзе актыўнае тэставанне аналізаў усіх прадстаўнікоў БНТУ — студэнтаў і выкладчыкаў. Пакуль што ўсе вынікі адмоўныя. Пацыент з Ірана і тыя, хто быў шпіталізаваны з ім у інфекцыйную бальніцу, адчуваюць сябе здавальняюча, — распавяла Юлія Барадун.
28 лютага Міністэрства аховы здароўя паведаміла, што ў Беларусі пацверджаны першы выпадак захворвання каранавірусам. Тэсты паказалі яго наяўнасць у аднаго са студэнтаў з Ірана. Ён вучыцца ў БНТУ і жыве на здымнай кватэры. Разам са студэнтам былі шпіталізаваны яго дзяўчына, яе бацькі і сястра. Акрамя таго, у бальніцу трапілі 26 аднагрупнікаў хлопца і 7 выкладчыкаў.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары