На Віцебшчыне пачалася трэніроўка брытанскіх і беларускіх вайскоўцаў «Зімовы партызан»
У Віцебскай вобласці ў панядзелак пачалася сумесная трэніроўка брытанскіх і беларускіх вайскоўцаў пад назвай «Зімовы партызан», пра гэта паведамляе амбасада Вялікабрытаніі.
У Беларусь прыбылі 28 ваеннаслужачых 42-га батальёна марской пяхоты ўзброеных сіл Вялікабрытаніі. Беларускі бок прадстаўляе міратворчая рота 103-й асобнай гвардзейскай паветрана-дэсантнай брыгады. Сумесная трэніроўка на палігоне Віцебскай асобнай паветрана-дэсантнай брыгады «Лосвіда» працягнецца да 14 сакавіка.
У паведамленні міністэрства абароны Беларусі гаворыцца, што «мерапрыемства праходзіць на двухбаковай аснове згодна з узаемадзеяннем па пытаннях падрыхтоўкі міратворчага персаналу» і не з'яўляецца часткай якіх-небудзь шматбаковых вучэнняў. Падкрэсліваецца, што падобныя трэніроўкі пачаліся яшчэ ў 2018 годзе.
Трэніроўкі ў Беларусі з'яўляюцца другім этапам двухбаковага абмену паміж Вялікабрытаніяй і Беларуссю. У ходзе першага этапу ў мінулым годзе 27 беларусаў прайшлі навучанне ў Вялікабрытаніі, дзе ўзялі ўдзел у спаборніцтвах па ваенным майстэрстве, навучанні ангельскай мове і навыкам вядзення ваенных дзеянняў у гарадах.
Цяпер чытаюць
Сталі вядомыя падрабязнасці крушэння мотадэльтаплана пад Мінскам2
Сталі вядомыя падрабязнасці крушэння мотадэльтаплана пад Мінскам
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары