Абарона нацыянальнай ідэнтычнасці: Таджыкістан забараніў русіфікаваныя прозвішчы
З гэтага часу выкарыстанне русіфікаваных суфіксаў «-ов/-ова» і «-вич/-овна» пры напісанні прозвішчаў і імёнаў па бацьку ў Таджыкістане забаронена. Выключэнне могуць зрабіць толькі для прадстаўнікоў нацыянальных меншасцяў краіны, паведамляе «Радио Озоди».
На пасяджэнні парламента Таджыкістана 28 красавіка была прынята пастанова, у адпаведнасці з якой у закон аб дзяржаўнай рэгістрацыі актаў грамадзянскага стану ўнесены адпаведныя змены. Змяненні ўнесены, на думку аўтараў законапраекта, з мэтай павышэння самасвядомасці грамадзян і абароны нацыянальнай ідэнтычнасці.
Музафар Ашурыён, міністр юстыцыі Таджыкістана, які прадставіў гэты праект на пасяджэнні ніжняй палаты парламента, заявіў, што з гэтага часу выкарыстанне рускіх канчаткаў у таджыкскіх прозвішчах будзе забаронена.
Ён адзначыў, што замест такіх канчаткаў грамадзяне могуць выкарыстоўваць такія таджыкскія канчаткі, як, напрыклад, «-зода», «-іён» і іншыя. Паводле яго слоў, для рускіх і іншых прадстаўнікоў нацыянальных меншасцяў прадугледжаны вынятак, у адпаведнасці з якім ім дазваляецца выкарыстанне канчаткаў «-ов/-ова», «-вич/-овна» і гэтак далей.
«У далейшым пры нараджэнні дзіцяці будуць выдавацца дакументы, у якіх прозвішчы будуць запісаныя з выкарыстаннем нацыянальных канчаткаў «пурдухт», «і», «зод», «зода», «он», «ён», «іён», «ніёр», «фар». Выкарыстанне канчаткаў «ов», «ова», «ев», «ева» будзе забаронена», — сказаў Ашурыён.
Міністр юстыцыі падкрэсліў важнасць прыняцця законапраекта, адзначыўшы, што «нацыянальная ідэнтычнасць імя чалавека з'яўляецца важным фактарам у фармаванні асобы і пачуцця самасвядомасці».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары