6—7 красавіка адбудзецца візіт у Беларусь расійскай ваеннай дэлегацыі на чале з начальнікам Генеральнага штаба Узброеных сіл РФ — першым намеснікам міністра абароны генералам арміі Мікалаем Макаравым.Пра гэта БелаПАН паведамілі ў беларускім Міністэрстве абароны.
У рамках візіту запланаваны сустрэчы М.Макарава з міністрам абароны генерал‑палкоўнікам Леанідам Мальцавым і начальнікам Генеральнага штаба Узброеных сіл Беларусі генерал‑лейтэнантам Сяргеем Гурулёвым.
Расійская дэлегацыя наведае некаторыя аб’екты Узброеных сіл Беларусі.
У ходзе візіту плануецца абмеркаванне пытанняў, якія тычацца стану і перспектыў ваеннага супрацоўніцтва дзвюх дзяржаў. У ліку найбольш важных пытанняў сустрэчы — падрыхтоўка аператыўна‑стратэгічных вучэнняў «Захад‑2009», якія намечана правесці на тэрыторыі Беларусі ў верасні—кастрычніку.
Дзядок расказаў, як паводзіў бы сябе ў сённяшняй Беларусі і што будзе далей5
Каментары