Пад Гарадком уратавалі чалавека, які некалькі сутак блукаў па лесе
Супрацоўнікі гарадоцкай міліцыі і пошукава-выратавальнага атрада «Анёл» адшукалі ў лесе 59-гадовага мужчыну, які прапаў без вестак у аўторак 14 ліпеня, паведамляе прэс-служба МУС.
Ён шпіталізаваны.
З заявай аб знікненні жыхара вёскі Прудок у міліцыю звярнуўся яго пляменнік. Мужчына растлумачыў, што сваяк мае праблемы са здароўем і арыентацыяй у прасторы.
Супрацоўнікі крымінальнага вышуку і валанцёры разгарнулі пошукавую аперацыю. У суботу ўвечары за пяць кіламетраў ад вёскі ўдалося знайсці ровар зніклага, а затым і яго самога.
Зняможаны мужчына практычна не мог самастойна ісці.
Дзядок расказаў, як паводзіў бы сябе ў сённяшняй Беларусі і што будзе далей5
Каментары