Борыс Джонсан публічна прызнаўся: Спачатку мы не разумелі каранавіруса
Прэм'ер-міністр Вялікабрытаніі Барыс Джонсан прызнаў, што ў пачатку пандэміі ягоны ўрад «не разумеў каранавірус».
«Некаторыя рэчы мы маглі зрабіць і па-іншаму», — адказаў Джонсан пасля некалькіх пытанняў Бі-бі-сі пра тое, чаму ў Брытаніі ад Covid-19 памерлі больш за 45 тысяч чалавек — больш толькі ў Бразіліі і ЗША. Прэм'ер-міністр таксама прызнаў, што застаюцца «адкрытыя пытанні» з нагоды таго, ці своечасова ў краіне абвясцілі каранцін.
Падчас інтэрв'ю палітычнаму рэдактару Бі-бі-сі Лоры Кюнсбергу Борыс Джонсан спрабаваў сысці ад аналізу дзеянняў урада ў першыя месяцы пандэміі, настойваючы, што «для гэтага яшчэ будзе час».
«Цяпер не час праводзіць расследавання таго, што адбылося ў мінулым (…). Цяпер, як мне здаецца, жыхары Брытаніі хочуць, каб мы засяродзіліся на падрыхтоўцы да магчымага вяртання віруса зімой», — падкрэсліў ён.
Брытанская апазіцыя палічыла гэтае інтэрв'ю прызнаннем у некампетэнтнасці. «Борыс Джонсан, нарэшце, прызнаў, што яго ўрад падрыхтаваў дрэнны адказ на каранавірус, — сказаў міністр аховы здароўя з ценявога кабінета лейбарыстаў Джонатан Ашворт. — Ён занадта доўга не ўсведамляў пагрозу віруса, занадта доўга не ўводзіў локдаўн і занадта доўга не прымаў крызіс сур'ёзна».
На мінулым тыдні Джонсан паабяцаў у будучыні прызначыць незалежнае расследаванне дзеянняў свайго ўрада перад і падчас пандэміі, але ніякіх падрабязнасцяў на гэты конт пакуль не было.
-
Спявачка Арыяна Грандэ запатрабавала ад Белага дома не выкарыстоўваць яе песень у антыіміграцыйных роліках
-
12‑гадовую іспанскую дзяўчынку згвалцілі пяць аднакласнікаў на дні нараджэння. Ім за гэта нічога не будзе
-
Памерла тайская прынцэса Баджракіціябха — старэйшая дачка караля і абаронца правоў вязняў. Тры гады яна была ў коме
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары