Польшча перацягнула амаль 9 тысяч беларускіх праграмістаў і прадпрымальнікаў
Дзякуючы праграме Poland Business Harbor у Польшчу пераехалі ўжо 10% беларускіх ІТ-спецыялістаў і некалькі тысяч прадпрымальнікаў — усяго выдадзена 8,9 тысячы віз. Дзве траціны беларускіх праграмістаў разглядаюць магчымасць пераезду ў Польшчу, паведамляе польскае бізнэс-выданне Puls Biznesu.
«Вітаем», — па-беларуску напісана вялікімі літарамі на першай старонцы польскай газеты.
Варта адзначыць, што 8,9 тысячы віз выдадзена толькі ў рамках праграмы Poland Business Harbor, аднак беларускія праграмісты маюць і іншыя опцыі пераезду ў Польшчу (па Blue Card, з «картай паляка» і г. д.).
IT-сектар Беларусі, які прыносіў дзяржаве значныя даходы, на вачах распадаецца. Гэта здарылася як вынік масавых палітычных рэпрэсій, якія адбыліся ў краіне пасля прэзідэнцкіх выбараў.
Цяпер будучыня беларускага IT стаіць пад вялікім пытаннем, бо ўсё больш беларускіх спецыялістаў вымушаныя з'язджаць праз пераслед лукашэнкаўцамі.
Некаторыя IT-кампаніі часткова або цалкам перанеслі свае офісы за мяжу.
Прапагандысты запэўніваюць, што 196 палітвязняў ужо на свабодзе9
Каментары