У тым ліку 106 — з прычыны пашкоджання транспартных сродкаў.
У РУП «Белдзяржстрах» у сувязі са стратай або пашкоджаннем маёмасці ў выніку праліўных дажджоў, што прайшлі 23—24 ліпеня ў Мінску, звярнулася 189 чалавек, у тым ліку 106 — з прычыны пашкоджання транспартных сродкаў.
Пра гэта паведамляе прэс‑служба прадпрыемства.
Улічваючы наступствы залевы, у «Белдзяржстраху» чакаюць павелічэння колькасці зваротаў, гаворыцца ў паведамленні.
24 ліпеня з 14.45 да 16.30 у Мінску выпала 56,4 мм ападкаў, або 60% месячнай нормы. Было падтоплена 77 участкаў праезнай часткі, 64 падвалы нежылых адміністрацыйных будынкаў. Прыродную з’яву спецыялісты аднеслі да разраду анамальных. Паводле інфармацыі Рэспубліканскага гідраметэацэнтра, падобны выпадак быў зарэгістраваны ў сталіцы ў 1993 годзе. Прэс‑служба МНС паведамляе, што ў пятніцу ратавальнікі эвакуявалі з уласнага і грамадскага транспарту амаль 500 чалавек, і яшчэ прыблізна паўсотні — з падвальных памяшканняў.
Нанесены стыхіяй урон пакуль не ацэнены.
Каментары