Кампаніі, якія займаюцца пасярэдніцтвам у пастаўках нафтапрадуктаў і іншых тавараў з Беларусі на знешні рынак праз Эстонію, не парушаюць санкцыі, уведзеныя ў дачыненні да афіцыйнага Мінска, піша Delfi.
«Цяпер у Міністэрства замежных спраў няма падстаў меркаваць, што эстонскае дзяржаўнае прадпрыемства або кампетэнтныя ўстановы парушылі ўстаноўленыя санкцыі. Калі абмежаванні стануць больш дакладнымі або зменяцца, іх, вядома, варта перагледзець», — сказала ERR прэс-сакратар Міністэрства замежных спраў Крысціна Отс.
У аўторак выданне Eesti Päevaleht паведаміла, што афіцыйны Мінск, які трапіў пад санкцыі, можа актыўна экспартаваць нафтапрадукты і іншыя тавары праз эстонскія парты, прычым абароты ў гэтым годзе дасягаюць рэкордных паказчыкаў.
Отс патлумачыла, што Эстонія прымяняе санкцыі, прынятыя ААН, ЕС і эстонскай дзяржавай. «У дачыненні да Рэспублікі Беларусь дзейнічаюць абмежавальныя меры, уведзеныя Еўрапейскім саюзам для фізічных і юрыдычных асоб, а таксама сектаральныя санкцыі ў розных галінах, напрыклад у фінансавай сферы», — сказала яна.
«Рух тавараў кантралююць мытня Латвіі і падаткова-мытны дэпартамент Эстоніі, а перавозчыкі тавараў праверылі адпаведнасць тавараў санкцыйным спісам і парушэнняў не выявілі», — падкрэсліла Отс.
Цяпер чытаюць
Лукашэнка параіў узбекам шукаць вялікія грошы ў Расіі11
Лукашэнка параіў узбекам шукаць вялікія грошы ў Расіі
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары