У касах засталося яшчэ больш за палову, ёсць квіткі па 15 тыс. рублёў.
Па стане на чацвер 6 жніўня на адборачны матч да чэмпіянату свету па футболе — 2010 Беларусь — Харватыя, што пройдзе 12 жніўня, прададзена каля 17 тыс. білетаў.
Чакаецца, што Мінск наведаюць каля 300 харвацкіх заўзятараў. На матч акрэдытавана больш за 150 прадстаўнікоў айчынных і замежных СМІ (у тым ліку больш за 20 харвацкіх журналістаў), паведамляе сайт Беларускай федэрацыі футбола.
***
Матч Беларусь — Харватыя пройдзе 12 жніўня (серада) на мінскім стадыёне «Дынама». Пачатак у 21:15.
Білеты на гульню каштуюць ад 15 да 50 тыс. Дзіцячы — 3 тыс (у 21 сектар).
***
У панядзелак, 10 жніўня, у Доме футбола а 13‑й гадзіне пройдзе прэс‑канферэнцыя галоўнага трэнера беларускай зборнай Бернда Штанге. Харвацкая зборная прыляціць у Мінск чартэрным рэйсам у панядзелак. У аўторак увечары (прыкладна а 19:15) запланавана прэс-канферэнцыя галоўнага трэнера «палымяных» Славена Біліча.
***
Турнірнае становішча ў нашай групе: Англія — 21 бал (7 гульняў), Харватыя, Украіна — па 11 ((па 6 гульняў), Беларусь — 9 (5 гульняў), Казахстан — 3 (7), Андора — 0 (7).
5 верасня беларусы згуляюць у гасцях з Харватыяй, 9 верасня — дома з Украінай, 10 кастрычніка — дома з Казахстанам, 14 кастрычніка — у гасцях з Англіяй.
Пераможца групы напрамую выходзіць на чэмпіянат свету, каманда, што зойме 2‑е месца, павінна прабівацца цераз стыкавыя матчы.
Каментары