Уладзімір Зяленскі запатрабаваў ад Расіі і ЗША гарантыі бяспекі для Украіны
Прэзідэнт Украіны заявіў у інтэрв'ю «РБК-Украіна», што краіна знаходзіцца на шляху ўступлення ў NATO, а да таго часу, пакуль гэтага не адбылося, яна павінна атрымаць ад Расіі і ЗША сістэму гарантый, якая не саступае той, што прапануюць краінам NATO.
«Мы кажам, што мы на шляху ў Альянс. NATO — адзіны, па сутнасці, сёння з існуючых саюзаў бяспекі, да якога Украіна магла б далучыцца. Для нас там ёсць пазіцыя адчыненых дзвярэй. Але на гэтым шляху вялікая адлегласць — гады і месяцы, асабліва, калі будзе эскалацыя», — сказаў Зяленскі.
Па яго словах, неабходна прыняць «глабальны дакумент», які падпішуць у тым ліку ЗША і Расія.
«Калектывам нармандскага фармату мы не абыдземся, і ніхто не абыйдзецца. Моцныя гэтага свету, уключаючы ЗША і Расію, сядуць і падпішуць, што ёсць такі вось шлях. Але там павінна быць тры-чатыры-пяць пунктаў аб бяспецы нашай краіны. Тады гэта размова», — сказаў прэзідэнт Украіны.
Дзядок расказаў, як паводзіў бы сябе ў сённяшняй Беларусі і што будзе далей5
Каментары