Служба бяспекі прэзідэнта Рэспублікі Беларусь апякае свайго кліента на 37 мільярдаў рублёў у год. Гэта на 2 мільярды болей выдаткаў краіны на парламент. Піша ў сваім блогу Віктар Малішэўскі.
Служба бяспекі прэзідэнта Рэспублікі Беларусь апякае свайго кліента на 37 мільярдаў рублёў у год. Гэта на 2 мільярды болей выдаткаў краіны на парламент.
У гэты цяжкі час кожны, чым можа, дзяржаве дапамагчы абавязаны. А іначай прымусяць. Я вырашыў у рамках асабістай дапамогі бюджэт «упарадкаваць». Там, мне падалося, шмат яшчэ лішніх выдаткаў пасля прэзідэнцкіх правак засталася. Сачыце за рукамі — мільярды пад рукой, калі бюджэт палічыць.
Апараты статутных органаў міждзяржаўнай інтэграцыі — 15,4 мільярды рублёў. Усесаюзныя чыноўнікі абыходзяцца нам у 5,3 мільёны даляраў? Міла! Колькі ж вас там?
Выканаўчы камітэт СНД — 2 мільярды рублёў, плюс мільярд на (пасаромеліся б, га) Савет Міжпарламенцкай Асамблеі СНД. І яшчэ 4 мільярды рублёў на ўтрыманне Інтэграцыйнага камітэту Еўразійскай эканамічнай супольнасці.
Адлічэнні ў бюджэт саюзнай дзяржавы Беларусі і Расіі — 150,9 мільярдаў рублёў — на пенсію Пал Палычу Барадзіну.
Арганізацыя Дамовы аб калектыўнай бяспецы — 1,3 мільярды рублёў. Калі наш подпіс каштуе столькі, то лепш, мо, падпісаць у наступным годзе.
Вось мне што дзіўна — «на выбары і рэферэндум» у гэтым годзе мы выдаткоўваем 619 мільёнаў рублёў! Гэта я штосьці ўпусціў? Ці гэта такі заробак у ЦВК — там жа чалавек пяць працуюць! З гэтай сумы 25 мільёнаў пойдзе «на міжнародную дзейнасць» ні аднаго разу не прызнаных у свеце выбараў.
Нацыянальны сход на кіпучую сваю «міжнародную дзейнасць» таксама няблага выдаткоўвае — амаль 1,7 мільярды туды, калі ўлічваць «культурныя сувязі» дэпутатаў. Калі нас Еўропа прызнае, адчуваю, што ўсе грошы мае на іх міжнародную дзейнасць сыдуць.
Гэта нічога, калі мы год не пагуляемся у салдацікаў? Сінхроннасць параду будзе парушана, але краіна гэта перажыве. Калі даведаецца, што ваенныя вучэнні і іншыя мабілізацыйныя справы каштуюць 98 мільярдаў рублёў.
Вось такі артыкул у бюджэце: «Прыкладныя навуковыя даследаванні, навукова‑тэхнічныя праграмы і праекты ў вобласці праваахоўнай дзейнасці і забеспячэння бяспекі». Цана пытання — 800 мільёнаў рублёў.
«Прыкладныя навуковыя даследаванні, навукова‑тэхнічныя праграмы і праекты ў вобласці жыллёва‑камунальных паслуг». Гэта яшчэ 1 мільярд 90 мільёнаў. Як у маёй жыроўцы не з’явіўся артыкул «на прыкладное навуковае даследаванне Пятровічу»?
Крыху бянтэжаць мяне вось тры пазіцыі ў бюджэце:
Беларускі фонд фінансавай падтрымкі прадпрымальнікаў — 212 мільёнаў рублёў.
Развіццё прадпрымальніцкай дзейнасці — 1 мільярд рублёў.
Фінансавая дапамога юрыдычным асобам і індывідуальным прадпрымальнікам — 110 мільярдаў.
Так, так — рашуча прыбіраем усе гэтыя прадпрымальніцкія мільярды з бюджэту — і глядзім — ці адчулі прадпрымальнікі, як аслабеў дзяржаўны клопат пра іх? Вельмі хачу, каб адчулі, сумняваюся…
Цікава яшчэ ведаць, куды ідуць 52,7 мільярды рублёў па «праграме развіцця і падтрымцы падсобных гаспадарак грамадзян». Дачнікі, гэта ж і вам таксама!
Цяпер правяраем шчырасць патрыятызму. Лёгка! Адбіраем у БРСМ іх 17,5 мільярдаў рублёў. У БРСМ я веру — яны гэтае выпрабаванне пройдуць. Нах*** іх тады наагул фінансаваць….
Заўсёды мяне кранаў клопат маёй дзяржавы аб самых кволых, маламаёмасных. Канцэрну Белнафтахім дапамогуць у гэтым крызісным годзе не так каб вельмі, але дапамогуць — 7,3 трыльёнамі (!) рублёў.
Ну вы зразумелі — там яшчэ скарачаць і скарачаць. Але ёсць артыкулы недатыкальныя.
Служба бяспекі прэзідэнта Рэспублікі Беларусь апякае свайго кліента на 37 мільярдаў рублёў у год. Гэта на 2 мільярды болей выдаткаў краіны на парламент (там 110 дэпутатаў з міністэрскімі заробкамі і сенатары яшчэ).
Амаль усе мае праўкі былі там, дзе ў прэзідэнта ўздрыгнула рука — і ён стрымаўся. Кіраўнік дзяржавы скарачаў выдаткі на адукацыю (мінус 377 мільярдаў), на ахову здароўя (мінус 278 мільярдаў), на сацыяльную палітыку (мінус 1,4 трыльёна).
Цяпер чытаюць
Стаў вядомы дакладны адрас, па якім жыве Анжаліка Мельнікава ў Мінску24
Каментары