На Думскай плошчы ў Адэсе дэмантавалі пяць таблічак расійскіх гарадоў-пабрацімаў. Замест іх плануюць дадаць гарады, якія актыўна дапамагаюць Адэсе ў ваенны час.
В. а. намесніка мэра Адэсы Алег Брындак у сувязі з гэтым адзначыў, што ў сэрцы кожнага адэсіта факт разрыву з Расеяй як краінай-агрэсарам ужо ажыццявіўся, а дэмантаж паказальнікаў на пяць расійскіх гарадоў фармальна давяршыў гэты працэс.
Цікава, што гарадоў-пабрацімаў у Адэсы шмат, і сярод іх таксама беларускія Мінск і Брэст. Але іх разам з расійскімі пакуль што, як выглядае, вырашылі не здымаць.
Каментары