Украінская разведка: У Беларусі застаюцца расійскія самалёты і дывізіён «Іскандэраў»
Украінская разведка выявіла на тэрыторыі Беларусі вайсковыя самалёты РФ і дывізіён «Іскандэраў». Пра гэта паведаміў прэс-сакратар Міністэрства абароны Украіны Аляксандр Матузянік падчас брыфінгу. Паводле яго, не выключаецца, што расійскія вайскоўцы рыхтуюцца да правакацый з наступным абвінавачваннем у іх Узброеных сілаў Украіны.
«Як стала вядома нашай разведцы, на аэрадроме ў Брэсцкай вобласці Беларусі на адлегласці за 130 км ад дзяржаўнай мяжы з Украінай знаходзяцца шэсць самалётаў аператыўна-тактычнай авіяцыі Расіі.
Таксама ў Магілёўскай вобласці на адлегласці 170 км ад мяжы з Украінай разгорнуты дывізіён аператыўна-тактычнага ракетнага комплекса «Іскандэр», — сказаў Матузянік.
Што да аператыўнай абстаноўкі на Валынскім і Палескім кірунках, то ён адзначыў, што там пакуль усё застаецца без істотных зменаў. Па словах прэс-сакратара, падраздзяленні Узброеных сілаў Рэспублікі Беларусь працягваюць выконваць задачы па ўзмацненні беларуска-ўкраінскай мяжы ў Брэсцкай і Гомельскай абласцях.
«У той жа час не выключаецца ажыццяўленне праціўнікам правакацый з наступным абвінавачваннем у іх Узброеных сілаў Украіны. Таксама там захоўваецца пагроза нанясення праціўнікам ракетных удараў па тэрыторыі вайсковай і цывільнай інфраструктуры Украіны з тэрыторыі Рэспублікі Беларусь», — адзначыў Матузянік.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1313
Каментары