42-гадовы берасцеец вырошчваў сыравіну для марыхуаны і гашышу ў вазонах, але не ставіў вытворчасць на паток. Калі ім зацікавілася міліцыя, ён патлумачыў, што вырошчваў каноплі для асабістага спажывання, піша «Вечерний Брест».
Фота ілюстрацыйнае
У дачным доме, размешчаным у Брэсцкім раёне, аператыўнікі выявілі сем вазонаў з раслінамі і абсталяванне для вырошчвання нарказмяшчальных культур. Была прызначаная экспертыза наркотыкаў.
«Судовыя эксперты вызначылі, што гэтыя расліны ўтрымліваюць асабліва небяспечнае псіхатропнае рэчыва. Могуць быць выкарыстаныя для вырабу небяспечных наркатычных сродкаў (марыхуана, гашыш, гашышны алей)», — паведамілі ў Дзяржаўным камітэце судовых экспертыз.
У дачыненні да берасцейца распачалі крымінальную справу.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары