Незвычайная дарожная аварыя са смяротным вынікам адбылася сёння раніцай у Валожынскім раёне на аўтатрасе М6 «Мінск — Гродна». Легкавік «Фіят», які стаяў на ўзбочыне, збіў насмерць свайго ж 55-гадовага гаспадара, што знаходзіўся побач.
Паводле ДАІ УУС Міналвыканкама, каля 05:20 55-гадовы гродзенец ехаў на аўтамабілі «Фіят Паліа» па аўтатрасе М6 «Мінск — Гродна» ў напрамку Гродна.
На 49-м кіламетры трасы мужчына не справіўся з кіраваннем і ўрэзаўся ў раздзяляльную тросавую агароджу. Пасля гэтага «Фіят» развярнула і адкінула назад на правую паласу.
Кіроўца ў выніку гэтай аварыі не пацярпеў. Выклікаўшы эвакуатар, ён выйшаў з машыны і стаяў на ўзбочыне каля яе. І трэба ж было так стацца, што прыкладна ў 05:46 па гэтай жа самай паласе ехаў фургон «Рэно Майстар» пад кіраваннем 47-гадовага кіроўцы, які недагледзеў і ўрэзаўся ў «Фіят».
Легкавік ад удару адляцеў убок і збіў свайго гаспадара. Ад атрыманых траўмаў мужчына памёр на месцы здарэння.
Дзядок расказаў, як паводзіў бы сябе ў сённяшняй Беларусі і што будзе далей5
Каментары
у нас просто сегодня (вернее вчера) немножечко тоже... 'небальшэнькае' дтп