У гандлёвым цэнтры «Дана Мол» падчас сустрэчы з 12-гадовай блогеркай здарылася надзвычайная сітуацыя, ёсць пацярпелыя
Як піша «Зеркало», ліфт упаў з вышыні другога паверха. Афіцыйныя ведамствы трактуюць здарэнне інакш.
Як паведамілі ў Мінздароўя, на месцы працуюць адна рэанімацыйная і чатыры лінейныя брыгады.
Факт таго, што ліфт упаў, абвяргаюць. Паведамляецца, што з-за перагрузу кабіны адбылося яе экстранае спыненне. Туды ўбілася больш за 20 чалавек.
Чытачы «Зеркала» распавялі, што ў адным з ліфтаў абарваліся тросы. «Ліфт упаў з другога паверха, у цэнтры адразу спынілі яшчэ і эскалатары, узнікла цісканіна», — распавяла адна з дзяўчат, якая была ў гандлёвым цэнтры. Яшчэ адзін з чытачоў таксама паведаміў аб інцыдэнце з ліфтам і што на месцы здарэння працуюць медыкі.
12-гадовая расійская спявачка і блогерка Мілана Хаметава вядомая па папулярнай у тыктоку песні «Апуці — ні пуцю».
Дзядок расказаў, як паводзіў бы сябе ў сённяшняй Беларусі і што будзе далей5
Каментары