Заяўка Украіны на ўступленне ў НАТА стала нечаканасцю для адміністрацыі Байдэна
Заяўка Украіны аб паскораным уступленні ў НАТА стала нечаканасцю для адміністрацыі прэзідэнта ЗША Джо Байдэна, піша выданне Politico са спасылкай на амерыканскіх чыноўнікаў.
Спікер Палаты прадстаўнікоў Нэнсі Пелосі не падтрымала запыт Украіны. На пытанне Politico, ці падтрымлівае яна ўступленне Украіны ў НАТА, Пелосі сказала, што падтрымлівае «гарантыі бяспекі» для Кіева, аднак адмовілася адназначна ўхваліць заяўку.
У сваю чаргу Белы дом лічыць, што пытанне ўдзелу Украіны ў НАТА павінна вырашацца ў «іншы час», а цяпер больш актуальным з'яўляецца наданне ёй падтрымкі для барацьбы з расійскай агрэсіяй.
Пра гэта на брыфінгу ў пятніцу заявіў дарадца прэзідэнта ЗША па нацыянальнай бяспецы Джэйк Саліван.
«ЗША дзясяткі гадоў выразна заяўлялі, што падтрымліваюць палітыку адчыненых дзвярэй НАТА. Любое рашэнне аб членстве ў НАТА прымаецца 30 членамі Альянсу і краінамі, якія імкнуцца да яго далучыцца. Цяпер, на наш погляд, найлепшы шлях падтрымліваць Украіну — практычная падтрымка Украіны, а працэсам у Бруселі трэба заняцца ў іншы час», — сказаў ён.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм16
Каментары