Zajaŭka Ukrainy na ŭstupleńnie ŭ NATA stała niečakanaściu dla administracyi Bajdena
Zajaŭka Ukrainy ab paskoranym ustupleńni ŭ NATA stała niečakanaściu dla administracyi prezidenta ZŠA Džo Bajdena, piša vydańnie Politico sa spasyłkaj na amierykanskich čynoŭnikaŭ.
Śpikier Pałaty pradstaŭnikoŭ Nensi Piełosi nie padtrymała zapyt Ukrainy. Na pytańnie Politico, ci padtrymlivaje jana ŭstupleńnie Ukrainy ŭ NATA, Piełosi skazała, što padtrymlivaje «harantyi biaśpieki» dla Kijeva, adnak admoviłasia adnaznačna ŭchvalić zajaŭku.
U svaju čarhu Bieły dom ličyć, što pytańnie ŭdziełu Ukrainy ŭ NATA pavinna vyrašacca ŭ «inšy čas», a ciapier bolš aktualnym źjaŭlajecca nadańnie joj padtrymki dla baraćby z rasijskaj ahresijaj.
Pra heta na bryfinhu ŭ piatnicu zajaviŭ daradca prezidenta ZŠA pa nacyjanalnaj biaśpiecy Džejk Salivan.
«ZŠA dziasiatki hadoŭ vyrazna zajaŭlali, što padtrymlivajuć palityku adčynienych dźviarej NATA. Luboje rašeńnie ab členstvie ŭ NATA prymajecca 30 členami Aljansu i krainami, jakija imknucca da jaho dałučycca. Ciapier, na naš pohlad, najlepšy šlach padtrymlivać Ukrainu — praktyčnaja padtrymka Ukrainy, a pracesam u Brusieli treba zaniacca ŭ inšy čas», — skazaŭ jon.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary