У чацвер, 6 кастрычніка, у доме ў вёсцы Агародня-Кузмініцкая мясцовы жыхар знайшоў дзвюх аднавясковак — у двары знаходзілася цела 38-гадовай жанчыны, у доме — цела 73-гадовай гаспадыні. Мужчына выклікаў міліцыю.
На целах загінулых жанчын эксперты знайшлі шматлікія колата-рэзаныя раны і ўдары.
Па падазрэнні ў здзяйсненні злачынства супрацоўнікі міліцыі затрымалі 58-гадовага жыхара аграгарадка Карма, які хаваўся на ферме — мужа 38-гадовай пацярпелай, з якой разам ён не жыў. У мінулым годзе ён прыцягваўся да крымінальнай адказнасці за тое, што пагражаў ёй забойствам.
Першапачаткова мужчына не прызнаваўся ў злачынстве, але пазней, як сцвярджае СК, «падрабязна распавёў пра абставіны забойства жанчын».
Згодна з матэрыяламі справы, вечарам 5 кастрычніка пляменніца прыйшла ў госці да сваёй цёткі. Калі сцямнела, туды прыйшоў яе муж. У двары паміж імі разгарэўся канфлікт, падчас якога мужчына збіў жонку.
На шум у двары з дому выйшла пенсіянерка. Пляменніца папрасіла яе выклікаць міліцыю. Пажылая жанчына вярнулася ў дом па тэлефон. Мужчына знайшоў у суседнім пакоі нож і ўдарыў яе.
Потым ён, паводле следства, забіў нажом сваю жонку. «Затым вярнуўся на працу, пераапрануўся і схаваў акрываўленае адзенне», — піша СК.
Следчыя знайшлі яго рэчы ў прыкрытай травой яме побач з фермай. Меркаваную прыладу злачынства — загорнуты ў акрываўлены ручнік нож — знайшлі ў траве ў двухстах метрах ад хаты пенсіянеркі.
Распачатая справа паводле ч. 2 арт. 139 (забойства дзвюх асоб) Крымінальнага кодэкса Рэспублікі Беларусь.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары