Чыноўнік расказаў, якой чакаць рэакцыі, калі імпарцёры парушаць пастаўкі тавараў
Начальнік Галоўнага ўпраўлення Міністэрства антыманапольнага рэгулявання і гандлю па Мінску Кірыл Слабко расказаў, як у краіне будзе падтрымлівацца дастатковы асартымент тавараў на паліцах, піша БелТА.
Чыноўнік растлумачыў, што калі дзесьці і адбылося кароткатэрміновае вымыванне нейкіх тавараў з паліц, то ў найбліжэйшыя дні асартымент будзе папоўнены ў поўным аб'ёме. Зрабіць гэта дазваляюць нормы пастановы ўрада № 669, якім пашыраныя паўнамоцтвы аблвыканкамаў і галіновых дзяржорганаў.
Прадстаўнік міністэрства дадаў: усе гандлёвыя сеткі папярэджаныя аб тым, што
калі які-небудзь пастаўшчык, імпарцёр адмаўляецца ад паставак, то інфармацыя пра гэта павінна быць прадстаўлена ў міністэрства. А МАРГ мае намер даваць прававую ацэнку дзеянням такіх пастаўшчыкоў, імпарцёраў. Да іх будуць прымацца «меры рэагавання» па ўсіх выяўленых фактах.
З улікам праведзенай працы з рознічнымі сеткамі МАРГ не бачыць сістэмных выпадкаў адсутнасці тавараў на паліцах, сказаў Слабко. Чыноўнік спрагназаваў, што ў доўгатэрміновай перспектыве якіх-небудзь праблем, звязаных з асартыментам тавараў на паліцах, не будзе.
Каментары