Паранілі ў нагу былога прэм'ер-міністра Пакістана. Яго картэж абстралялі падчас маршу пратэсту
Былы Прэм'ер-міністр Пакістана Імран Хан атрымаў кулявое раненне ў шчыкалатку, калі абстралялі яго аўтакалону за 150 км ад буйнога горада Лахор на паўночным усходзе краіны. Хан узначальваў марш пратэсту, які рухаўся на сталіцу Ісламабад з патрабаваннем датэрміновых выбараў, піша Бі-бі-сі.
Фота: AP
Сябры партыі былога прэм'ера паведамляюць, што ў выніку страляніны паранены яшчэ чатыры чалавекі.
Аднаго з нападнікаў застрэлілі, паведаміў агенцтву Франс Прэс памочнік экс-прэм'ера Раўф Хасан. «Яшчэ адзін мужчына затрыманы паліцыяй», — дадаў ён.
Па дадзеных пакістанскіх СМІ, 70-гадовы палітык дастаўлены ў бальніцу, яго стан не выклікае апасенняў у медыкаў.
«Гэта быў замах на яго, спроба палітычнага забойства», — заявіў Франс Прэс Раўф Хасан.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары