Сёння стала вядома, што цягам некалькіх тыдняў рэстараны «Макдональдс» у Беларусі ператворацца ў «Вкусно и точка», як і ў Расіі. «Наша Ніва» патэлефанавала ў рэстаран хуткага харчавання і запытала, ці зменіцца пасля гэтага меню.
«Пазіцыі застануцца тыя ж, з цягам часу з’явіцца дадатковая інфармацыя», — адказала менеджар рэстарана на праспекце Незалежнасці.
Але ж у канцы кастрычніка з ранішняга меню ў беларускім «Макдональдс» зніклі макмафіны, амлеты, мактосты і іншыя стравы. Гэта адбылося з-за праблем з пастаўкамі прадуктаў.
У расійскай сетцы рэстаранаў рэбрэндзінг адбыўся яшчэ на пачатку лета. Пасля гэтага там з’явіліся бліны, некалькі варыяцый амлетаў і яечні. З меню тым часам зніклі бургеры «Біг Мак» і «Біг Тэйсці», бо аўтарскае права на назву і рэцэптуру соусаў належыць «Макдональдс Карпарэйшн». Таксама з гэтай прычыны з меню «Вкусно и точка» знікла фірменнае марожанае «МакФлуры».
Магчыма, тое ж чакае і беларускія рэстараны сеткі.
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары