З'явілася ВІДЭА, як лукашэнкаўцы валакуць мужчыну ў трусах на мароз
Гэта адбываецца ў адным з гарадоў Віцебскай вобласці.
У адным з каналаў сілавікоў з'явілася відэа, як двое, адзін у зімовай куртцы ў цывільным, другі ў зімовай куртцы з надпісам «ГУБОП» — па-расейску гэта значыць «ГУБАЗ» — валакуць чалавека са звязанымі за спінай рукамі па лесвіцы пад'езда ўніз. Ногі мужчыны б'юцца аб прыступкі, з іх злятаюць тапкі-сланцы. Па дарозе мужчыну некалькі разоў удараюць аб поручні.
На іншых кадрах таксама дэманструюцца доказы ягонай «віны»: беларуская сімволіка, антылукашэнкаўскія налепкі і самаробны плакат: «Протест не подавлен, Сил набирается, В наших сердцах БЧБ! Рать белорусов уже собирается, Тщетен террор КГБ!».
Прытым што зіма, лукашэнкаўцы валакуць чалавека ў трусах і хатніх тапках на двор.
Імя гэтага чалавека невядомае, як і ягоны прававы статус. Калі вы ведаеце пра гэтую справу больш ці ведаеце імя затрыманага, напішыце нам у тэлеграм @nasa_niva_bot ці на [email protected]. Альбо — асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).
«Наша Нiва» — бастыён беларушчыны
ПАДТРЫМАЦЬ
Каментары