Google назваў самы папулярны запыт 2022 года. Вы гэта слова таксама шукалі
Самым папулярным запытам у Google у 2022 годзе стала слова Wordle — назва гульні-галаваломкі.
У Wordle карыстальнік павінен адгадаць адно слова на беларускай або іншай мове з пяці літар за шэсць спробаў. Пік папулярнасці гульні ў вэб-пошуку прыйшоўся на сярэдзіну лютага. У пачатку месяца яе выкупіла газета The New York Times.
На другім месцы ў Google апынуўся запыт India vs England (Індыя супраць Англіі), гаворка ідзе пра супрацьстаянне ў крыкеце. Трэцяе месца ў агульным вэб-пошуку дасталася запыту Ukraine (Украіна), на чацвёртым аказалася Queen Elizabeth — каралева Вялікабрытаніі Лізавета, якая памерла ў верасні.
Самымі папулярнымі па колькасці запытаў у Google людзьмі 2022 года аказаліся акцёры Джоні Дэп, Уіл Сміт і Эмбер Херд, а чацвёртае месца заняў прэзідэнт Расіі Уладзімір Пуцін.
Каментары
больш за тое: роўна нічога з прыведзенага ў артыкуле я ніколі не шукаў.
Усе ведаюць, што вы ніколі не шукалі такое, не трэба хвалявацца