Заява прэзідэнта Расіі Уладзіміра Пуціна аб тым, што расійскія войскі спыняць агонь у сувязі са святкаваннем Каляд хутчэй за ўсё з'яўляецца інфармацыйнай аперацыяй, закліканай нанесці шкоду рэпутацыі Украіны, пішуць эксперты Інстытута вывучэння вайны (ISW).
Пуцін наўрад ці чакае, што Украіна выканае ўмовы раптам абвешчанага перамір'я, і, магчыма, хоча прадставіць яе як нязгодлівы і не жадаючы прадпрымаць неабходныя крокі для перамоў бок. Гэта інфармацыйная тактыка, якую Расія ўжывала ў мінулым.
Спыненне агню патрабуе часу для арганізацыі і рэалізацыі. 14 снежня прэс-сакратар Пуціна Дзмітрый Пяскоў заяўляў, што Расія не плануе спыняць агонь на праваслаўныя Каляды, таму заява Пуціна выглядае яшчэ больш дзіўна.
Дата святкавання Каляд, у рэшце рэшт, вядомая ўжо шмат стагоддзяў. Калі б Пуцін сур'ёзна ставіўся да спынення агню па рэлігійных матывах, у яго было дастаткова часу для падрыхтоўкі, піша ISW.
Абвяшчэнне спынення агню менш чым за 24 гадзіны да таго, як яно павінна ўступіць у сілу, дазваляе выказаць здагадку, што яно было зроблена з намерам прадставіць украінскія сілы як не жадаючыя працаваць над дасягненнем міру і якія імкнуцца ваяваць любой цаной.
Гэтая інфармацыйная аперацыя таксама можа падтрымаць крамлёўскую рыторыку аб тым, што Украіна пераследуе праваслаўных хрысціян і рускамоўных — наратыў, які Пуцін неаднаразова ўзгадваў у якасці апраўдання свайго незаконнага ўварвання ва Украіну.
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска1
Каментары