Два буйныя мінскія мікрараёны, Серабранку і Чыжоўку, злучыў пешаходны мост праз Свіслач, паведамілі «Мінск-Навіны».
Па словах першага намесніка кіраўніка адміністрацыі Ленінскага раёна Мікалая Строка, мост яшчэ трэба пафарбаваць, але мінчукі ўжо і цяпер актыўна ім карыстаюцца.
Мост пабудавалі з дзвюх лёгкіх канструкцый у раёне вуліц Карзюкі і Дворышчы. Яго даўжыня — каля 30 метраў, шырыня — 1,5 метра.
«Асноўныя работы па яго ўладкаванні завершаныя, ён бяспечны, засталося пафарбаваць. Мост, упэўнены, ацэняць і веласіпедысты з Чыжоўкі, а таксама памежнай з ёй Лошыцы — у іх з'явілася магчымасць патрапіць на веласцежку не акружным шляхам, як раней, а больш кароткім», — сказаў чыноўнік.
Чытайце таксама:
«Іржавы мост» праз Свіслач у Мінску зноў закрылі
Прапагандысты запэўніваюць, што 196 палітвязняў ужо на свабодзе9
Каментары
дык бачна, што з каробак кардонных
раёны Мінска дасюль дрэнна звязаныя транспартнымі артэрыямі паміж сабой. але можа гэта і добра?
так бывае пехам хутчэй дабрацца, чым на аўто ці на грамадскім транспарце