Хрэнін абвінаваціў ЗША ў дэстабілізацыі абстаноўкі і зноў заявіў аб проксі-войнах
Віктар Хрэнін абвінаваціў ЗША ў дэстабілізацыі абстаноўкі. Пра гэта міністр абароны Беларусі заявіў падчас нарады міністраў абароны дзяржаў — членаў Шанхайскай арганізацыі супрацоўніцтва, якая прайшла ў сталіцы Індыі.
«Монапалярны свет, які праіснаваў апошнія 30 гадоў, сыходзіць у мінулае. Пры гэтым пэўныя сілы сутыкнуліся з крызісам глабалізацыі, пабудаванай на валютна-фінансавым, тэхналагічным і культурным дамінаванні ЗША. Ім вельмі важна захаваць аднапалярную мадэль свету», — сказаў Віктар Хрэнін, паведамляе Мінабароны.
Міністр абароны Беларусі перакананы, што ў дадзеным выпадку гаворка ідзе пра кантроль над рэсурсамі і багаццямі ўсёй планеты: «І ў гэтай справе гэтым сілам перашкаджаюць такія фактары, як дзяржаўныя межы і любая ідэнтычнасць, уключаючы цывілізацыйную і рэлігійную».
На думку Віктар Хрэніна, актыўнасць Вашынгтона дэстабілізуе рэгіёны, прымушае астатніх — як канкурэнтаў, так і саюзнікаў — уступаць у канфрантацыю.
«Выразна выявілася амерыканская лінія, накіраваная на даставанне аднабаковых выгад з любога крызісу ў свеце. У нацыянальных і кааліцыйных дактрынальных дакументах дзяржаў агучваюцца прэтэнзіі на глабальнае і рэгіянальнае дамінаванне. Замацоўваецца блокавая архітэктура бяспекі. Для выключэння прамога ваеннага сутыкнення выкарыстоўваюцца «шэрыя зоны» нестабільнасці ў асяроддзі абранай дзяржавы-ахвяры і вядуцца «проксі-войны», — сказаў на заканчэнне Віктар Хрэнін.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары