УСУ заклалі за тыдзень больш за 2,5 тысячы мін ля межаў з Беларуссю — генерал Наеў
Камандуючы Аб'яднанымі сіламі УСУ Сяргей Наеў паведаміў, што за тыдзень было выканана маштабнае мініраванне ля мяжы з Беларуссю на кіеўскім кірунку.
Сяргей Наеў. Скрыншот відэа
За гэты тэрмін разбурылі пяць участкаў дарог, арганізавалі і замініравалі звыш 60 лясных завалаў.
«Мы робім усё, каб варожыя дыверсійна-выведвальныя сілы не змаглі дзейнічаць на тэрыторыі Украіны. У прыватнасці, тут, на кіеўскім кірунку, у Чарнобыльскай зоне», — заявіў Наеў.
Акурат гэтымі шляхамі ўвайшлі на тэрыторыю Украіны расійскія войскі ў лютым 2022 года, калі пачалася шырокамаштабная вайна.
Каментары