Гэтая гарбата з кветак суданскай ружы вызначаецца ярка-чырвоным колерам і кіславатым смакам. У некаторых краінах яна лічыцца нацыянальным напіткам. Ці сапраўды яна карысная?
Каркадэ — травяны напой, які гатуюць з сушаных кветак гібіскусу (суданскай ружы). Ён мае яркі чырвоны колер, прыемны водар і кіславаты смак. Каркадэ пілі яшчэ ў Старажытным Егіпце, а арабы яго лічылі лекам ад усіх хваробаў. У Еўропу гэты напой трапіў толькі ў XVIII стагоддзі. Каркадэ можна піць як гарачым, так і халодным. Але якія ж уласцівасці мае гэты напой і наколькі ён сапраўды карысны для здароўя?
Спецыялісты звяртаюць увагу ў першую чаргу на антацыяны, на якія багаты каркадэ. Яны спрыяюць умацаванню імуннай сістэмы і сценак сасудаў. Таму ж умацаванню спрыяе і вітамін D, які таксама ёсць у каркадэ.
Кветкі гібіскусу багатыя на вітамін С, які з'яўляецца антыаксідантам, і вітамінамі групы В, якія падтрымліваюць нервовую сістэму, спрыяюць памяці, актывізуюць мазгавую дзейнасць, уздымаюць настрой.
Апроч іншага, медзь у складзе каркадэ паляпшае працэс стварэння эрытрацытаў, магній умацоўвае сценкі крывяных сасудаў, а калій стабілізуе ціск.
Дзякуючы багатаму вітамінна-мінеральнаму складу каркадэ аказвае станоўчае ўздзеянне на арганізм: выводзіць солі цяжкіх металаў, спрыяе мяккаму ачышчэнню кішэчніка.
Кветкі суданскай ружы багатыя на кверцэцін з групы флаваноідаў. Ён зʼяўляюцца антыаксідантам, якія добра ўплывае на вязкасць крыві і лічыцца важным элементам у прафілактыцы трамбозаў.
Таксама пра каркадэ вядома, што ён спрыяе зніжэнню скачкоў глюкозы ў крыві. Напой прыносіць карысць здароўю печані, бо павялічвае колькасць ферментаў, якія выводзяць таксіны, зніжае пашкоджанні і атлусценне гэтага органа. Таму каркадэ добра піць для зніжэння алкагольнай інтаксікацыі арганізма.
Каркадэ добра змагаецца з бактэрыямі і вірусамі, таму вельмі каштоўныя ў асенне-зімовы перыяд. А ў гарачыню гэты напой добра перадухіляе абязводжванне.
У той жа час пры ўжыванні каркадэ трэба быць асцярожным.
Гібіскус утрымлівае значную колькасць арганічных кіслот, што робіць напой кіславатым на смак. З-за гэтага яго не рэкамендуецца піць людзям, якія маюць пашкоджанні слізістай абалонкі страўнікава-кішэчнага тракту. Таксама яго няможна піць тым, хто пакутуе ад жоўцевакаменнай хваробы, бо каркадэ мае мачагоннае ўздзеянне, што можа прывесці да руху камянёў у жаўцяку і нырках.
Каркадэ — натуральны эстраген, які стымулюе скарачэнне маткі і блакуе выспяванне яйцаклетак. Таму яго няможна піць тым жанчынам, якія прымаюць гарманальныя прэпараты, плануюць зачаць дзіця, а таксама цяжарным.
Нельга таксама забывацца і пры індывідуальнае непрыманне прадукту.
Чытайце яшчэ:
Японскі чай матча (маця): чым ён карысны і як гатаваць
Тое, як мы трымаем кубак, раскрывае асаблівасці нашага характару
Прапагандысты запэўніваюць, што 196 палітвязняў ужо на свабодзе8
Каментары