З агнём і вадою. Глядзіце, якім рытуалам праводзілі на пенсію ратавальніка пасля 20 гадоў працы
Урачысты рытуал праводзінаў на адпачынак старшага прапаршчыка Андрэя Жаландзеўскага адбыўся ў пажарнай аварыйна-выратавальнай часці № 5 Кастрычніцкага раённага аддзела па надзвычайных сітуацыях 20 студзеня, паведамляе «Мінск-Навіны».
Калі ў 2001 годзе Жаландзеўскі прыйшоў на пасаду пажарнага, ён меркаваў, што толькі часова папрацуе ў службе выратавання. Але не — па яго словах, прырос настолькі, што аб звальненні ўжо і не падумваў. Даслужыўся да камандзіра аддзялення, а ў 2013 годзе быў узнагароджаны медалём «За бездакорную службу» III ступені.
20 студзеня старшага прапаршчыка Жаландзеўскага праводзілі на пенсію за выслугу гадоў.
Спачатку для яго падалі апошні сігнал трывогі, затым ён выканаў нарматыў па надзяванні баявога адзення і прайшоў праз агонь і ваду.
За выпрабаваннямі сачылі не толькі калегі, але і сямʼя ратавальніка.
У поўным баявым абмундзіраванні яго акунулі ў ёмістасць з вадой. Гэтым самым пажарны як бы змывае з сябе сажу і попел, назапашаныя за гады службы.
У завяршэнне ўжо пенсіянер прайшоў скрозь вадзяную заслону пад апладысменты калег.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары