23 студзеня сілавікі затрымалі па ўсёй краіне не менш за 37 сваякоў палітвязняў і былых палітвязняў, правялі шмат вобшукаў. Прадстаўніца праваабарончай ініцыятывы Dissidentby Марына Касінерава лічыць: сістэма спрабуе спыніць усю салідарнасць і дапамогу.
У каментары для «Нашай Нівы» Касінерава згадала падзеі канца 2023-га, калі з невядомых прычын вязняў этапавалі з адной калоніі ў іншую. Адзначым, што кожны этап — дадатковы стрэс для зняволенага. Марына падкрэслівае, што тая падзея закранула не толькі палітвязняў, і раней такога не было. Таму праваабаронца разглядае той перавод як частку ўсеагульнага ціску на зняволеных або вынік адміністрацыйных зменаў унутры сістэмы.
Датычна сённяшніх вобшукаў і арыштаў, атакі акаўнтаў беларускіх ініцыятыў напярэдадні Марына лічыць: «Відавочна, што сістэма спрабуе спыніць усю салідарнасць і дапамогу. Не сакрэт, што ў турмах і калоніях прэсуюць вязняў за падтрымку з волі ад іншых людей, прэсуюць тых, хто аказвае падтрымку — правяраюць тэлефоны, шукаюць доказы фінансавання. Таму заканамерна, што прыйшлі і да сваякоў».
Касінерава ўдакладняе, што ініцыятыве Dissidentby вядома пра тры ранейшыя выпадкі затрыманняў за перавод грошай на атаварку вязняў. У дачыненні да двух людзей вытворчасць спынілі, адна жанчына знаходзіцца ў СІЗА.
Кожнаму, нагадвае праваабаронца, варта клапаціцца пра ўласную бяспеку ў інтэрнэце і рабіць усё магчымае, каб не пакідаць слядоў: «Для ініцыятываў і арганізацыяў гэта таксама выклік, прыходзіцца быць гнуткімі і заўсёды ўдасканальваць свае механізмы. Чым больш дэцэнтралізаваная сістэма дапамогі, тым складаней яе парушыць».
Чытайце таксама:
У рамках масавага хапуну сваякоў палітвязняў і былых палітзняволеных затрымалі як мінімум 37 чалавек
-
Літоўскі блогер паскардзіўся, што «Наша Ніва» няправільна пераказала яго дыялог са Спарышам. Вынік прадказальны
-
Статкевіч: У 1917 годзе прынцып «Война до победного канца» ўжо прывёў Расію да нацыянальнай катастрофы
-
«Людзі бачылі, што разбіраюць не дрэва, а парахно». Каталіцкі актывіст заступіўся за навагрудскіх манашак
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары
Мы не забудзем, як бы вы не стараліся, і вы адкажаце перад мільёнамі - нікуды мы не з'ехалі і не з'едзем, усіх не пасадізце і не запужаеце.
Вы можаце замазваць абліччы людзей, выкладаць фота плошчы зверху. А не выкладаць для Губазіка фота, ды яшчэ з подпісам яго ніка, як у той кнізе.
Майце Совесть. Не падстаўляйце людзей!!!
Пра бяспеку павінны дбаць не толькі самі людзі кожны сам за сваю, але і ўсе, хто супраць рэжыму - пра бяспеку кожнага. Сваіх людзей трэба берагчы, а не падстаўляць.