Зʼявілася відэа ўдару па ГЦ «Эпіцэнтр» у Харкаве — людзі выбіраюць тавары на паліцах
Яшчэ адно відэа з камеры відэаназірання, як расійская авіябомба прылятае ў будаўнічы гіпермаркет Харкава, апублікавала паліцыя. На відэа бачна, як людзі выбіраюць тавары на паліцах.
«На відэа, з якім цяпер працуюць следчыя, — момант удару. Выразна відаць, што людзі зусім не былі гатовыя да такой атакі, знаходзіліся на працоўных месцах і займаліся сваімі справамі», — напісаў прадстаўнік паліцыі Харкаўскай вобласці.
Ратавальнікі паведамілі ўжо пра 14 загінулых у часе ракетнай атакі на гандлёвы цэнтр. На месцы шукаюць целы яшчэ сямі загінулых.
У Расіі пацвердзілі, што наўмысна абстралялі гіпермаркет у Харкаве.
Каментары