У канцы мая Польшча ўвяла абмежаванні супраць кампаніі «Мазырсоль». Падрабязнасці даведалася выданне «Беларусы і рынак».
Варшава вырашыла замарозіць актывы і выключыць аднаго з найбуйнейшых у Еўропе вытворцаў харчовай солі з дзяржаўных закупак. У абгрунтаванні гаворыцца, што «Мазырсоль» уваходзіць у склад Беларускага дзяржаўнага канцэрна «Белдзяржхарчпрам», які з'яўляецца арганізацыяй, падведамаснай ураду.
Улады Польшчы заявілі, што санкцыі супраць ААТ «Мазырсоль» знізяць экспартныя магчымасці кампаніі, а значыць, паўплываюць на аб'ём сродкаў, якія пералічваюцца ў беларускі бюджэт.
Як адзначае выданне, у канцы 2023 года з ініцыятывай увесці санкцыі ў дачыненні да беларускіх вытворцаў паваранай солі выступілі галіновая некамерцыйная арганізацыя «Польская соль» і польская кампанія Ciech. На іх думку, кампаніі з Беларусі складаюць сур'ёзную канкурэнцыю польскім вытворцам. У 2021 годзе на рынак ЕС паступіла паваранай солі з Беларусі на 22 млн еўра, у тым ліку ў Польшчу было завезена прадукцыі на 5 млн еўра. У 2022-м аб'ёмы экспарту солі з Беларусі ў ЕС упалі да 10 млн еўра.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Гэта ўсё што трэба ведаць пра польскіх крывадушнікаў. Калі польскі экспарт ідзе ў РБ на сотні мілльёнаў даляраў, з якога плоцяцца мыты, падаткі і гд, то па версіі паноў гэта не ўплывае “на аб'ём сродкаў, якія пералічваюцца ў беларускі бюджэт”. А вось калі гэта беларускі экспарт, які замінае польскаму “бізнесу” набіваць сабе кішэні, то яго можна хутка прыбраць, выпусцішўшы чарговы цыркуляр з “прыгожай” фармулёўкай. Вось такім простым крокам у Польшчы прыбіраюцца канкурэнты. І гэта нічым не адрозніваецца ад так званных “малочных войнаў”, якія раней ладзіла РФ супраць беларускай малочнай прадукцыі. Вось пабачыце яшчэ, калі ў нашай краіне пачнуцца дэмакратычныя перамены, пачнуць адраджацца прыватныя капманіі, гаспадаркі ў вёсках ды масава з’ўляцца фермеры, вось тады польскія ўлады будуць прымаць аналагічныя меры супраць любой беларускай прадукцыі, якая будзе складаць канкурэнцыю польскай. То бок яны канкуруюць не цаной і якасьцю, а загараджальнымі абмежаваннямі.
Не здзіўлюся, што тады і польскія фермеры будуць блакаваць мяжу каб заблакаваць імпарт танной сыравіны і прадуктаў з Беларусі, як зараз яны гэта робяць супраць украінскай. А вось мяжу з Калінінградскай вобласцю, куды масава ідзе экспарт польскай фермерскай прадукцыі, яны і блізка не блакуюць.