У Расіі затрымалі яшчэ аднаго генерала з Мінабароны — ужо пятага па ліку
Акрамя таго, затрыманы дырэктар парку расійскай арміі «Патрыёт».
У Расіі затрымалі генерал-маёра Уладзіміра Шэсцерава, які займае пасаду намесніка начальніка Галоўнага ўпраўлення інавацыйнага развіцця Мінабароны Расіі. Яго затрымалі разам з дырэктарам парку «Патрыёт» Вячаславам Ахмедавым.
Паводле версіі следства, Ахмедаў і Шэсцераў разам з саўдзельнікамі датычныя да крадзяжу бюджэтных сродкаў, выдзеленых на забеспячэнне дзейнасці і функцыянаванне парку «Патрыёт», піша «Медуза».
У расійскім Следчым камітэце мяркуюць, што сума крадзяжоў на дзяржзакупках склала больш за 40 млн расійскіх рублёў (460 тысяч даляраў).
Парк «Патрыёт» быў створаны па рашэнні тагачаснага міністра абароны Расіі Сяргея Шайгу ў 2014 годзе. На тэрыторыі парку размешчаныя музеі, «партызанская вёска», зона рэканструкцыі гістарычных падзей, выставачны цэнтр і галоўны храм УС РФ.
Шэсцераў стаў ужо пятым затрыманым генералам з каманды экс-міністра абароны Сяргея Шайгу. Сярод затрыманых раней — былы намеснік кіраўніка Мінабароны Цімур Іваноў, начальнік Галоўнага ўпраўлення кадраў Мінабароны Юрый Кузняцоў, начальнік Галоўнага ўпраўлення сувязі Мінабароны РФ Вадзім Шамарын і былы камандуючы 58-й арміяй Іван Папоў.
Іванова, Кузняцова і Шамарына абвінавацілі ў атрыманні хабараў, Папова — у махлярстве.
У Расіі затрымалі яшчэ аднаго генерала, намесніка Герасімава
«Расія рыхтуецца да доўгай вайны»: пра што сведчыць прызначэнне Белавусава
Пуцін зняў Шайгу з пасады міністра абароны — і паставіў сакратаром Рады бяспекі
«Элемент гульні супраць Шайгу». Што гавораць палітолагі пра арышт намесніка міністра абароны Расіі
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары