І чарговы раз заклікаў трымацца разам.
Калі рухне Расія, усе астатнія дзяржавы СНД будуць уцягнутыя ў гэтую варонку, заявіў Аляксандр Лукашэнка на сустрэчы з удзельнікамі пасяджэння Савета міністраў унутраных спраў дзяржаў — удзельніц Садружнасці, піша БелТА.
«Можа скласціся сітуацыя так, што любая з нас — дзяржава — без гэтага адзінства не абыдзецца. І калі мы сёння гэта не зразумеем, з намі разбяруцца паасобку. Але калі абрынецца Расія — мы ў гэтую варонку ўсе будзем уцягнутыя», — заявіў Лукашэнка.
На сустрэчы ён заклікаў да захавання адзінства і супрацоўніцтва на прасторы Садружнасці і перасцярог ад спроб шукаць нейкую імгненную выгаду.
«Апошнім часам склалася такая сітуацыя, у тым ліку і ў сувязі з правядзеннем СВА (так беларускія ўлады следам за Расіяй называюць уварванне ва Украіну. — НН) ва Украіне, што многія — і кіраўнікі, і сілавікі, чаго быць катэгарычна не павінна, — пачалі нейкую для сябе выгаду ў гэтым шукаць. Вы ведаеце, мужыкі, мяркуючы па сваім досведзе, скажу, што жыццё такое бурнае цяпер і вельмі зменлівае. Многія шукаюць выгаду, у тым ліку сыходзячы ад агульнага нашага, створанага ў савецкія часы трэнду развіцця. Некаторыя (думаюць): «Далей ад Расіі будзем трымацца, яна пад санкцыямі. Мы неяк баімся трапіць пад іх і гэтак далей… Шукаем сваю выгаду». Не рабіце гэтага».
«Хто яго ведае, што будзе заўтра з намі, з нашымі дзяржавамі, і ці не прыйдзецца да той жа Расіі звярнуцца па дапамогу. А апошнія падзеі кажуць, што нікому мы не патрэбныя. Ні Расія, ні мы з вамі і гэтак далей. Нам трэба трымацца разам», — заявіў Лукашэнка.
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай4
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары