На волю па памілаванні выйшаў Павел Кучынскі — палітвязень з чацвёртай стадыяй анкалогіі
«Прывезлі хлопца з турэмнай лякарні ў гарадскую ў не вельмі, мякка кажучы, задавальняючым стане — з пнеўманіяй», — паведаміў у сваім фэйсбуку праваабаронца Аляксандр Капуцкі.
На волю па памілаванні выйшаў анкахворы палітвязень Павел Кучынскі. Пра гэта на сваёй старонцы ў фэйсбуку паведаміў праваабаронца Аляксандр Капуцкі.
«З Маладзечна прыйшла да мяне добрая вестка: вызвалілі анкахворага палітвязня Паўла Кучынскага. Праўда, як перадае яго сябар, прывезлі хлопца з турэмнай лякарні ў гарадскую ў не вельмі, мякка кажучы, задавальняючым стане — з пнеўманіяй».
Палітзняволены маладзечанец мае першую групу інваліднасці — у яго лімфома Ходжкіна чацвёртай стадыі. Нягледзячы на анказахворванне, яго ўтрымлівалі ў зняволенні больш за два гады. У чэрвені пазамінулага года яго асудзілі да пяці гадоў калоніі, а па выніках апеляцыі паменшылі прысуд толькі на тры месяцы. Пры гэтым замена пакарання на не звязанае з пазбаўленнем волі судом не разглядалася, піша «Вясна».
У жніўні юрысты «Вясны», занепакоеныя станам здароўя Паўла, падрыхтавалі і накіравалі зварот у Працоўную групу ААН па адвольных затрыманнях.
У мінулую пятніцу стала вядома, што Лукашэнка памілаваў 30 чалавек (16 мужчын і 14 жанчын). Сярод іх Ксенія Луцкіна, Вольга Новікава, Ала Зуева, Вольга Стаброўская, Васіль Бераснеў, Ірына Санкоўская, Кацярына Леў, Наталля Пятровіч, Тамара Каравай, Святлана Палуэктава, Яўген Чуміла.
-
«Будавала кар'еру, каб цяпер сарвацца ў аграрны? Адназначна так!» Дэканы Горацкай акадэміі закахалі ў сябе сацсеткі
-
У цэнтры Брэста паставяць гіганцкія вагі з незвычайнымі адзінкамі вымярэння
-
«Не будзем звяртаць увагу на лімітрофаў». Юрась Зянковіч запусціў уласнае медыя, не ведаючы, што гэтаксама называецца сайт пазнякоўцаў
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску29
Каментары
Іх далейшы лёс пакажа, ці сапраўды гэта "акт гуманізму ад Лукашэнкі" (як гэта называе офіс Ціханоўскай), ці звычайны халодны разлік дыктатара: каб не памерлі ў сценах турмы. Каб паказаць, маўляў, у турмах ніхто не памірае. Каб не псаваць турэмную статыстыку.
P.S. Усім палітвязням жадаю перамагчы хваробы і перажыць Лукашэнку.