У Вялікабрытаніі правялі першую ў свеце аперацыю на зламанай назе насарога
Ветэрынарныя спецыялісты правялі ўнікальную аперацыю на лапе самкі паўднёвага белага насарога. Раней жывёла пашкодзіла канечнасць, што прывяло да пералому локцевай косткі.
Як паведамляюць у Phys.org, двухгадовая самка Амара ў пачатку 2024 года пачала кульгаць на правую пярэднюю нагу. Таму работнікі заапарка Knowsley Safari звярнуліся па дапамогу да спецыялістаў Ліверпульскага ўніверсітэта.
Аказалася, што 800-кілаграмовая самка мела пералом локцевай канечнасці, якая ўваходзіць у ніжнюю частку пярэдняй лапы.
Паколькі ва ўсім свеце няма ніякіх запісаў аб лячэнні насарогаў з такой траўмай, каб дапамагчы Амары медыкі вырашылі выкарыстоўваць досвед лячэння коней.
Амару і яе маму для супакаення нямала чухалі і паціралі за жываты, што, па словах работнікаў Knowsley Safari, жывёлы асабліва любяць.
Пасля спецыялісты ўвялі ў сустаў Амары плазму, узбагачаную трамбацытамі з крыві жывёлы. Дзякуючы гэтаму, самка атрымала большы патэнцыял для выздараўлення.
«Лячэнне Амары было сапраўды наватарскім ветэрынарным падарожжам, якое ўключае ў сябе мноства ўнікальных працэдур, якія мы зараз задакументуем на выпадак, калі іншыя спецыялісты па жывёлам сутыкнуцца з падобным. Хоць мы вельмі спадзяемся, што гэтыя нататкі ніколі не спатрэбяцца», — падсумаваў доктар Дэвід Стэк.
Урэшце самка насарога зноў паднялася на ногі і можа атрымліваць асалоду ад жыцця на свежым паветры ў адкрытай прасторы заапарка разам з астатнімі жывёламі.
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай4
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары