11-гадовы хлопчык у Магілёве хацеў зрабіць з газіроўкі рэактыўную сумесь — бутэлька ўзарвалася ў руках
Напярэдадні школьнік паглядзеў у сацсетках, як зрабіць з газіроўкі рэактыўную сумесь. Пасля ўрокаў па дарозе да прыпынку грамадскага транспарту ён вырашыў паўтарыць эксперымент, змяшаўшы інгрэдыенты, паведамляе СК.
Школьнік насыпаў усё ў пластыкавую бутэльку з газаванай вадой, закрыў коркам і кінуў на зямлю. Паколькі чаканая хімічная рэакцыя не адбылася, хлопчык падняў бутэльку.
Ёмістасць выбухнула проста ў руках, а вадкасць, якая была ўнутры, трапіла яму на твар і ў вочы. Дзіця заплакала і на прыпынку яго заўважыла прахожая, якая патэлефанавала маці хлопчыка.
Хлопчыку нічога не пагражае, з дыягназам «кантузія вока» ён знаходзіцца пад наглядам дактароў.
Каментары