Напярэдадні прэзідэнцкіх выбараў у Беларусі літоўскія памежнікі павышаюць узровень пільнасці і нарошчваюць свае сілы.
«Прыняты меры да яшчэ больш высокага ўзроўню аховы межаў, магчымасці рэагаваць на магчымыя інцыдэнты шляхам задзейнічання дадатковых сіл і дадатковых тэхнічных сродкаў. Пакуль асаблівых сігналаў няма», — паведаміў прадстаўнік Службы аховы дзяржаўнай мяжы Гедрус Мішуціс.
Мяжа Літвы ахоўваецца ва ўзмоцненым рэжыме ўжо не першы год, гэта рабілася з пачатку міграцыйнага крызісу 2021 года.
Рэжым аховы межаў застаецца ўзмоцненым заўсёды — геапалітычная сітуацыя, прычым пры наяўнасці такіх суседзяў. На фоне беларускіх выбараў узровень пільнасці яшчэ павышаецца — узмоцнены рэжым пераходзіць у іншую, больш высокую фазу. Прадугледжана, што ў выпадку інцыдэнтаў могуць быць задзейнічаныя і іншыя ведамствы — сістэма нацыянальнай абароны, Служба грамадскай бяспекі, паліцыя, Саюз стралкоў Літвы», — сказаў Мішуціс.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары