У 2014-м Расія не была гатовая да «франтальнага супрацьстаяння» з Захадам і спадзявалася на вырашэнне «праблемы Данбаса» мірным шляхам, таму пачынаць «спецаперацыю» тады было нерэалістычна. Гэта патрабавала падрыхтоўкі, заявіў Уладзімір Пуцін у інтэрв’ю прапагандысту Паўлу Зарубіну.
Па словах Пуціна, Расія не магла «прыступіць да якіх-небудзь рэзкіх дзеянняў», не правёўшы «адпаведную працу ў сферы бяспекі, у сферы будаўніцтва ўзброеных сіл і ў сферы эканомікі і фінансаў».
Пуцін сцвярджае ў той жа час: «Мы спецыяльна не рыхтаваліся да гэтага: мы шчыра імкнуліся ўсё ж такі вырашыць праблему Данбаса мірнымі сродкамі».
Але, адказваючы на пытанне, ці трэба было пачынаць ваенную аперацыю ў 2014 годзе, Пуцін заявіў, што тады Расія не была гатовая да «франтальнага супрацьстаяння з усім калектыўным Захадам», і гэта «патрабавала сур’ёзнай падрыхтоўкі да развіцця сітуацыі менавіта ў такім ключы».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары