Партыя КПРФ падчас з’езду, які прайшоў 5 ліпеня ў аздараўленчым комплексе «Снегіры» ў Маскоўскай вобласці, прыняла рэзалюцыю, у якой абвясціла памылковым даклад Мікіты Хрушчова пра культ асобы Сталіна ў 1956 годзе.
У дакуменце гаворыцца, што КПРФ лічыць неабходным «ацаніць памылковым і палітычна прадузятым» даклад Мікіты Хрушчова «Аб кульце асобы і яго наступствах», прадстаўлены на закрытым пасяджэнні дэлегатаў ХХ з’езду КПСС 25 лютага 1956 года, піша Расійская служба Радыё Свабода.
Гэты даклад быў прысвечаны асуджэнню культу асобы Сталіна, масаваму тэрору і злачынствам другой паловы 1930-х — пачатку 1950-х гадоў, віна за якія ўскладалася асабіста на Сталіна. Даклад лічыцца пачаткам хрушчоўскай адлігі.
Акрамя таго, падмаскоўны з’езд КПРФ перавыбраў 81-гадовага Генадзя Зюганава старшынёй ЦК КПРФ — ён займае гэтую пасаду з 1993 года.
Афіцыйная назва самой партыі была зменена на «КПРФ — палітычная партыя Камуністычная партыя Расійскай Федэрацыі».
Цяпер чытаюць
Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі1
Каментары
у Канадзе ды Амэрыцы .
у 1939 падпісалі ,,мір,, з Гітлерам , яго таксама хацелі закапаць разам з Эу́ропай , але той апярэдзіу́ , за месяц дайшоу́ да улуса , людзі з кветкамі сустракалі германца .
Амэрыка памагла , а то б да Ціхага акіяна дабеглі .
быу́ варварам народны супраціу́ - украінцы , ,,басмачы,, , лясныя браты , ,,нацыяналісты,,
мільён Беларусау́ забілі , зьнішчылі , растапталі .
У́сё гэта пау́торыцца , спадарства .
Камуністы маглі б пад крызіс вярнуцца на палітычную арэну, але роля клоунаў у шапіто ім відавочна падабаецца.