У каментарах абураныя беларусы сталі скардзіцца і на іншых аператараў.
Беларуска выклала ў тыктоку відэа, у якім абурылася працай мабільнага аператара МТС. Яна кажа, што жыве ў драўляным доме ў вёсцы, і ў яе «пастаянна не ловіць сувязь» або «яна абрываецца».
У акаўнце пазначана, што жанчына — фермер, у яе — конны клуб. Праз кепскую сувязь, паводле яе слоў, кліенты не могуць звязацца з ёю, а яна ўвесь час ператэлефаноўвае.
«Не вельмі паважаны МТС. Я з вамі 20 гадоў на адным і тым жа нумары. Я плачу грошы. За што, скажыце мне, калі ласка?» — эмацыйна пачынае жанчына.
Яна кажа, што і браць за такія паслугі варта было б па якасці.
«Я не магу датэлефанавацца да работнікаў, да мяне не могуць датэлефанавацца ў першую чаргу мае ж кліенты. Я задзяўблася пастаянна людзям ператэлефаноўваць. Я размаўляю-размаўляю — сувязь абрываецца. Я тэлефаную — чалавек недаступны», — скардзіцца яна.
Яна кажа, што можа кліентам МТС варта пісаць скаргі, каб кампанію праверылі.
«Калі вы не спраўляецеся са сваёй працай, рабіце аплату меншай людзям. За што мы грошы плацім?» — прапануе яна.
Відэа выклікала шырокі рэзананс: больш за 300 тысяч праглядаў, каля 8000 лайкаў і звыш 1000 каментарыяў. Шмат хто з карыстальнікаў падтрымалі жанчыну, скардзячыся на якасць сувязі не толькі ў МТС, але і ў іншых аператараў.
«А1 тое ж самае, праблемы. Сувязь знікае падчас размовы. Інтэрнэт слабы».
«Перайдзіце на life:) — зразумееце, што МТС яшчэ не самае горшае».
«Такая ж сітуацыя: жывём за 5 км ад горада — сувязі амаль няма, інтэрнэт працуе праз раз. У горадзе нічога не змяняецца. А плачу 40 рублёў у месяц».
«І таксама я паўтара гады тэлефанаваў аператару з праблемамі сувязі — адказ адзін у вас усё выдатна можа ў вас смартфон стары трэба замяніць!!!»
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю9
Каментары