Джасцін Цімберлэйк расказаў, што мае хваробу Лайма, якую пераносяць кляшчы. Боль ён трываў два гады на сцэне
Спявак у сваім інстаграме расказаў пра хваробу Лайма і як змагаўся з ёй на працягу двухгадовага турнэ.
«Ну вось, калі гэтыя два неверагодныя гады падыходзяць да канца, і я з надзеяй гляджу ў будучыню, я хачу напісаць нешта ад сэрца. Гэта не простая задача — паспрабаваць апісаць віхуру гастроляў — але я паспрабую…
Гэта быў самы вясёлы, эмацыйны, удзячны, фізічна напружаны і, часам, знясільваючы досвед. Я займаюся гэтым ужо больш за 30 гадоў (што гучыць неверагодна) — і аддаў усяго сябе гэтаму. Я не змог бы зрабіць гэтага без маёй сям’і, сяброў і ўсёй ВАШАЙ падтрымкі», — напісаў Джасцін.
Ён кажа, што з'яўляецца даволі закрытай асобай, але, разважаючы пра тур і фестывальнае турнэ — ён захацеў расказаць пра свае праблемы.
«Сярод іншага, я змагаюся з праблемамі са здароўем і мне паставілі дыягназ — хвароба Лайма — што я гавару не для таго, каб вы пашкадавалі мяне — а каб асвятліць тое, з чым мне даводзілася сутыкацца за кулісамі. Калі вы перажывалі гэтую хваробу або ведаеце тых, хто з ёю сутыкаўся — тады вы ведаеце: жыццё з ёй можа быць бясконца знясільваючым — як псіхалагічна, так і фізічна.
Калі я ўпершыню атрымаў дыягназ, я быў, безумоўна, шакаваны. Але, прынамсі, я змог зразумець, чаму я быў на сцэне з моцным неўралагічным болем або адчуваў вар’яцкую стомленасць ці хваробу. Перада мной паўстаў асабісты выбар: спыніць гастролі? Ці працягваць і знайсці спосаб. Я вырашыў, што радасць, якую мне прыносіць выступленне, значна пераўзыходзіць часовую стомленасць, якую адчувае маё цела. Я вельмі рады, што працягнуў», — расказаў спявак.
«Я не толькі даказаў самому сабе сваю псіхалагічную трываласць, але цяпер у мяне столькі асаблівых момантаў з вамі, якія я ніколі не забуду. Мне не хацелася гаварыць пра гэта, таму што мяне заўсёды вучылі трымаць такое пры сабе. Але я стараюся быць больш адкрытым пра свае цяжкасці, каб іх не ўспрымалі няправільна.
Дзялюся ўсім гэтым з надзеяй, што мы ўсе знойдзем шлях да большага адзінства. Я хачу зрабіць свой унёсак у дапамогу тым, хто таксама перажывае гэтую хваробу», — дадаў спявак.
-
У Мінску зносяць міжваенную бальніцу працы французскага архітэктара. Знішчыць помнік дапамагалі два мясцовыя акадэмікі
-
Карціна Шагала «Прагулка» застанецца ў Беларусі да кастрычніка: Турчын дамовіўся з Мішусціным аб працягу выставы
-
На «Беларусьфільме» сярод бясконцых фільмаў пра вайну нарэшце здымуць навагоднюю камедыю
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары